Ўзбекистон Республикаси Соғлиқни сақлаш вазирлиги

Тадбирда Ўзбекистон ва Тожикистоннинг санитария-епидемиологик назорат соҳасидаги юқори мартабали вакиллари, Осиё тараққиёт банки, Миграция бўйича халқаро ташкилот, шунингдек, ҳар икки давлатнинг тегишли миллий идоралари ва трансчегаравий масалалар бўйича експертлари иштирок етди. Йиғилишдан кўзланган мақсад лойиҳанинг вазифалари, уни амалга ошириш ёндашувлари ҳамда асосий манфаатдор томонларнинг роллари юзасидан умумий тушунчани шакллантиришдан иборат еди.

Ўзбекистон ва Тожикистонни кўп йиллик яхши қўшничилик муносабатлари, 1330 километрдан ортиқ умумий чегара ҳамда аҳолининг юқори даражадаги трансчегаравий ҳаракатчанлиги боғлаб туради. Амалдаги визасиз тартиб савдо, transport алоқалари ва халқлар ўртасидаги муносабатларни ривожлантиришга хизмат қилмоқда. Шу билан бирга, у жамоат саломатлиги соҳасидаги ҳамкорликни мустаҳкамлаш ва юқумли касалликларнинг чегаралар орқали тарқалишининг олдини олиш заруратини ҳам кўрсатмоқда. Мазкур лойиҳа, биринчи навбатда, "Ойбек" чегара ўтказиш пункти (Бекобод тумани, Тошкент вилояти, Ўзбекистон) ва "Фотехобод" чегара ўтказиш пункти (Мастчоҳ тумани, Суғд вилояти, Тожикистон) ўртасидаги ҳамкорликка қаратилган.

Ўзбекистон Республикаси Соғлиқни сақлаш вазирлиги ҳузуридаги Санитария-епидемиологик осойишталик ва жамоат саломатлиги қўмитаси раисининг ўринбосари Ботиржон Курбанов чегара ҳудудларининг минтақавий соғлиқни сақлаш хавфсизлиги учун аҳамиятини таъкидлади: "Тошкент-Хўжанд йўналишида жойлашган "Ойбек" ва "Фотехобод" кириш пунктларининг стратегик ўрни уларни одамлар ва юкларнинг хавфсиз ҳамда тартибли ҳаракатланишини таъминлашдаги муҳим марказларга айлантиради. Бу еса икки мамлакат ваколатли органлари ўртасидаги санитария-епидемиологик назорат ва мувофиқлаштиришни изчил мустаҳкамлаб бориш заруратини кўрсатади.”

Тожикистон Республикаси соғлиқни сақлаш ва аҳолини ижтимоий муҳофаза қилиш вазири ўринбосари Амирзода Абдухолиқ юқумли касалликлар, епидемиялар ва жамоат саломатлигига бошқа таҳдидлар давлат чегараларини тан олмайдиган бугунги шароитда лойиҳанинг бошланиши айниқса долзарб еканини таъкидлади: "Бундай муаммоларнинг самарали олдини олиш ва уларга жавоб қайтариш учун ўз вақтида ахборот алмашиш, тегишли хизматларнинг мувофиқлаштирилган ҳаракатлари ва давлатлараро яқин ҳамкорлик талаб етилади.”

Мхтнинг Европа ва Марказий Осиё бўйича минтақавий директори Artur Еркен ташкилотнинг лойиҳани амалга оширишга қўшадиган ўзига хос ҳиссасини таъкидлади: "Биз ушбу лойиҳага нафақат техник експертизани, балки операцион мослашувчанликни ҳам олиб кирамиз. Бу сиёсатни амалиёт билан, маълумотларни қарор қабул қилиш жараёнлари билан, миллий тизимларни еса жойлардаги аҳоли ҳаракатчанлигининг реал ҳолати билан боғлаш қобилиятидир.”

Отбнинг Инсон ва ижтимоий ривожланиш сектори директори София Шакил лойиҳа идоралараро ишчи гуруҳ тузилишини, трансчегаравий ахборот алмашиш механизмлари ишлаб чиқилишини, епидемиологик назорат тизимлари мустаҳкамланишини, шунингдек, чегараолди жамоалари ва ҳаракатчан аҳоли гуруҳларининг соғлиқни сақлашга бўлган еҳтиёжлари юзасидан далилларга асосланган маълумотлар базаси шакллантирилишини таъминлашини қайд етди.

Лойиҳанинг амалга оширилиши, шунингдек, CАРЕC минтақавий ҳамкорлиги мақсадларига еришиш, чегара ҳудудларида яшовчи аҳоли саломатлигини яхшилаш ҳамда Марказий Осиёда аҳоли ҳаракатчанлиги ортиб бораётган шароитда инсон саломатлигини ҳимоя қилишнинг янада самарали механизмларини яратишга хизмат қилади.