Ўзбекистон делегацияси Россияда соғлиқни сақлаш тизими учун кадрларни тайёрлаш ва уларнинг малакасини баҳолаш тизимини барча босқичларда
2026-07-16 15:00:00 / Янгиликлар
Москва 1-сон тиббиёт коллежида ҳамширалар ва ўрта бўғин тиббиёт мутахассисларини тайёрлашнинг замонавий ёндашувлари кўриб чиқилди. Хусусан, амалиётга йўналтирилган таълим дастурлари, симуляцион ўқитиш ҳамда коллежнинг даволаш муассасалари билан ҳамкорлик тизими катта таассурот қолдирди.
Москва шаҳри Соғлиқни сақлаш департаментининг Кадрлар марказида делегацияга тиббиёт ходимларининг касбий билим ва амалий кўникмаларини баҳолашнинг ягона тизими тақдим етилди.
Россия узлуксиз касбий тиббий таълим академиясида ординатура, шифокорларни касбий қайта тайёрлаш ва малакасини ошириш дастурлари, шунингдек Ўзбекистон мутахассислари учун қўшма таълим дастурлари ҳамда стажировкаларни ташкил етиш имкониятлари муҳокама қилинди.
Россия Федерацияси Президенти Ишлар бошқармаси академияси ва Россия Президенти ҳузуридаги Халқ хўжалиги ва давлат бошқаруви академиясида (РАНХиГС) тиббиёт муассасалари раҳбарларини тайёрлаш ёндашувлари, жумладан, бошқарув компетенсияларини ривожлантириш, лойиҳа бошқаруви, стратегик режалаштириш ҳамда муассасалар фаолияти самарадорлигини баҳолаш тизими ўрганилди.
Ташрифлар якунида томонлар қўшма таълим дастурларини йўлга қўйиш, педагог кадрларни тайёрлаш, стажировкаларни ташкил етиш, шунингдек Ўзбекистонда тиббиёт ходимларининг билим ва амалий кўникмаларини баҳолашнинг замонавий усулларини жорий етиш истиқболларини муҳокама қилди.