Муҳокамада Қўқон шаҳар ҳокими Маруфжон Усмонов, диний идоралар, маҳалла тизими мутасаддилари, нуронийлар, хотин-қизлар фаоллари, Дин ишлари бўйича қўмитанинг шаҳар бўлими, маънавият-тарғибот гуруҳи аъзолари тўй ва маросимларни ўтказиш соҳасида фаолият юритаётган тадбиркорлар ва кенг жамоатчилик вакиллари иштирок этдилар.

2) Факт - Баъзи фуқаролар тўйлар, оилавий тантаналар, маърака ва маросимларни дабдаба билан ўтказишни қўшнилар, қариндошлар томонидан бўладиган танқидлардан, қоралашдан, умуман олганда, ижтимоий тазйиқдан халос бўлиш воситаси сифатида тушунмоқда. Ваҳоланки, бундай тадбирлар яқин қариндошлар ўртасида қарздорликнинг вужудга келишига ва оқибатда кескин зиддиятларга олиб келмоқда.

Очиқ мулоқот тарзида бўлиб ўтган суҳбат чоғида масъулларга халқимизнинг узоқ йиллик қадриятлари ва анъаналарини ўзида акс эттирган тўйлар, оилавий тантаналар, маърака ва маросимлар ўтказишда шуҳратпарастлик, ўзини кўз-кўз қилиш, бошқаларнинг ижтимоий аҳволини инобатга олмаслик, исрофгарчилик иллатларини олдини олиш бўйича вазифалар белгилаб берилди.

3) Факт - Аксарият аҳоли, айниқса, хотин-қизларнинг онгида тўйлар, оилавий тантаналар, маърака ва маросимларда қиз томоннинг сарф-харажатлари қанчалик юқори бўлса, қайнона-келин муносабатлари шунчалик яхши бўлади, деган нотўғри тасаввур тобора мустаҳкамланиб бормоқда.

Маромийлик лойиҳаси доирасида "Тўйлар, оилавий тантаналар, маърака ва маросимлар ўтказилишини тартибга солиш тизимини янада такомиллаштиришда давлат ва жамоат ташкилотларининг ўрни" мавзусидаги давра суҳбатида давлат ва жамоат ташкилотларининг муҳокама этилган масалаларга доир муносабатлари билдирилиб, иштирокчиларни қизиқтирган саволларига жавоб берилди.

4) Факт - Тўйлар, оилавий тантаналар, маърака ва маросимларда санъаткорлар ҳаддан зиёд баланд нархларда хизмат кўрсатмоқда, ўз томоша хизматларини кўрсатиш давомида миллий менталитетимиз, қадриятларимиз ва урф-одатларимизга мос келмайдиган, «оммавий маданият» иллатларини тарғиб этадиган ҳамда ёшлар тарбиясига салбий таъсир кўрсатадиган хатти-ҳаракатлар намойиш этилмоқда.

Тадбирда Ўзбекистон Республикаси Олий Суди буюртмасига асосан тайёрланган ва оилавий қадриятларни мустаҳкамлашга қаратилган "Ота" телефильми ҳам намойиш этилиб, томошабинларни яна бир бор муҳокама этилган масалаларни идрок этишга, мулоҳаза юритишга чорлади.