Қўқон шаҳрида III-Халқаро ҳунармандлар фестивалида хизмат кўрсатган фидоийлар эътироф этилди
2025-10-08 11:25:00 / Янгиликлар
Тақдирлаш маросимида Турон фанлар академияси Президенти Ҳайдарбек Бобобеков ҳам Фестивальни юқори савияда ўтказиш бўйича амалга оширилган ишларга юксак баҳо бериб, Қўқон шаҳар ҳокими Маруфжон Усмоновга фестивальни ташкил этишда кўрсатган фидоийлиги учун Турон фанлар академиясининг олтин медали билан тақдирлади.
Шунгингдек Турон фанлар академияси фахрий унвон ва даражалари Республика "Ҳунарманд" уюшмаси раиси Расулжон Мирзааҳмедов ҳамда бошқа масъул раҳбарлар ва фахрийларга ҳам топширилди.
Фестивальда фаол иштирок этган ҳунармандлар, маҳалла тизими мутасаддилари, корхона, идора ва ташкилотлар мутасаддилари ҳам алоҳида эътирофга сазовор бўлдилар. Уларга "Ватан ифтихори", "Энг яхши хизматлари учун" "Фидоий ватанпарвар" ва "Ёшларни Ватанпарварлик руҳида тарбиялаш учун" кўкрак нишонлари тантанали равишда топширилди.
Тантанали тадбирда фестивальда хизмат кўрсатган таълим муассасалари раҳбарлари, тиббиёт соҳаси фидоийлари, коммунал идоралар, маданият ва санъат соҳаси, музейлар, тадбиркорлик субъектлари, дизайнерлар, волонтерлар ҳамда оммавий ахборот воситалари ҳам эътироф этилиб, Қўқон шаҳар ҳокимининг Ташаккурномалари ва эсдалик совғалари билан мукофотландилар.