“Янги Чорсу” маҳалласида туризм йўналишидаги хонадонлар фасади миллий кўринишга келтирилди
2026-09-15 10:10:00 / Янгиликлар
Бир неча ой аввал Қўқон шаҳар ҳокими ушбу йўналишда хонадон эгалари билан тарғибот-ташвиқот ишларини олиб борган эди.
Туризм кўчалари — шаҳримизнинг келажакдаги қиёфасини белгиловчи ва аҳоли фаровонлиги ҳамда даромадларини оширишга қаратилган муҳим лойиҳа.
Бугунги кунга келиб, ушбу йўналишда “Янги Чорсу” маҳалласидаги Тинчлик кўчасида барча хонадонлар лойсувоқ қилиниб, миллий кўринишга келтирилди.
Қўқон шаҳар ҳокими масъулларга ушбу кўчада янги йўлаклар қурилишига старт бериш ва “Дастурхончи” мадрасасида туризм хабини ташкил этиш бўйича кўрсатмалар берди.