Қўқон шаҳрида тадбиркорлар ва бизнес учун янада қулай шарт-шароитлар яратилади
2026-08-12 13:25:00 / Янгиликлар
Қўқон шаҳар ҳокими Маруфжон Усмонов кун тартибидаги масалаларга алоқадор мутасаддилар билан мулоқот қилиб, бизнес субъектларининг мурожаат ва муаммоларини тезкорлик билан ўрганиш ҳамда ҳал этиш, хусусан, хориждан келтирилган ускуналарнинг божхонадан тезкорлик билан олиб ўтилишини таъминлаш юзасидан тегишли вазифаларни белгилаб берди.
Шунингдек, инфратузилма, табиий газ, ичимлик ва оқова тармоқлари, электр энергияси таъминоти билан боғлиқ масалаларга ҳам алоҳида эътибор қаратилди.
Масъулларга тадбиркорлар ва фуқароларнинг тўловларни ўз вақтида амалга ошириши учун зарур шарт-шароитларни яратиш, тизимда алоқага чиқмаётган ҳисоблагичларнинг батареяларини алмаштириш ишларини янада жадаллаштириш ҳамда тизимларда энергия йўқотишларининг олдини олиш бўйича тегишли кўрсатмалар берилди.