Қўқон шаҳридаги тарихий масканларни ЮНЕСКО жаҳон маданий мероси рўйхатига киритиш масалалари муҳокама этилди
2026-07-03 12:25:00 / Янгиликлар
Қўқон шаҳар ҳокими ва ЮНЕСКО билан ҳамкорликда фаолият олиб бораётган аудиторлик компанияси ҳамда Франциянинг архитектура ва дизайн соҳасидаги етакчи институтлари вакиллари иштирокида бўлиб ўтган мулоқот чоғида Қўқон шаҳрини, қадимги маҳаллалар ва кўчалар, Қўқонсойнинг қадимги архитектуравий қиёфасини тиклаш ҳамда Қўқон шаҳрини ЮНЕСКО жаҳон маданий мероси рўйхатига киритиш масалалари муҳокама этилди.
Президентимизнинг Қўқон шаҳрига қилган ташрифлари доирасида берилган топшириқлар ижроси бўйича олиб борилган музокаралар натижасига кўра ЮНЕСКО мутасаддилари 15 кун давомида Қўқон шаҳрида ўрганишлар олиб бордилар. Эндиликда Қўқон шаҳрининг қадимги қиёфасини тиклаш бўйича мастер-план ишлаб чиқилиши режалаштирилмоқда.
Музокаралар натижасига кўра ҳамкорлик алоқаларини давом эттириш ва сентябрь ойида Қўқон шаҳрининг қадимги қиёфасини тиклаш бўйича тайёр мастер-план устида музокараларни давом эттиришга келишиб олинди.