Қўқон шаҳридаги Амирий кутубхонасида 15 май — Халқаро оила куни муносабати билан Қўқон давлат университети талаба қизлари учун маънавий-маърифий учрашув ташкил этилди
2026-05-15 10:25:00 / Янгиликлар
.Тадбирда давлат ва жамият бошқаруви ҳамда ижод соҳаси вакиллари иштирок этиб, ёшларга мотивация ва ҳаётий тажрибалар улашди.
Учрашувда Оила ва хотин-қизлар қўмитаси бўлим бошлиғи Ўғилой Ўразова, Қўқон шаҳар ҳокими ўринбосари Нигора Эргашева, Зулфия номидаги Давлат мукофоти совриндори Василиса Найпак, шунингдек шаҳар ҳокимлиги юрист-консулти Эҳтибор Муҳаммедова ҳамда шаҳар отинойиси Санобархон Алимова сўзга чиқиш қилди.Мулоқот давомида замонавий аёл образи, оила муқаддаслиги, кийиниш ва муомала маданияти, шунингдек қизларнинг ижтимоий фаоллигини ошириш масалалари муҳокама қилинди.Тадбир талаба қизлар учун ўзига хос маҳорат мактаби ва мотивацион учрашувга айланди.
