Қўқонда “Фуқаролар ташаббуси жамғармаси” доирасида 17 та йирик лойиҳа амалга оширилади
2026-04-01 05:25:00 / Янгиликлар
Қўқон шаҳрида 2026 йил 1-мавсум доирасида аҳоли ташаббуслари асосида илгари сурилган ва ғолиб деб топилган лойиҳаларни молиялаштириш ишлари бошланди. Мазкур лойиҳалар “Фуқаролар ташаббуси жамғармаси” ҳисобидан амалга оширилиши белгиланган.
Манзилли рўйхатга кўра, шаҳар бўйлаб жами 17 та муҳим ижтимоий ва инфратузилмавий лойиҳа амалга оширилади. Уларнинг асосий қисми қурилиш-таъмирлаш ва жиҳозлаш ишларини ўз ичига олади.
Мазкур лойиҳаларнинг умумий қиймати бир неча ўн миллиард сўмни ташкил этиб, улар шаҳар аҳолиси учун қулайликлар яратиш, ижтимоий хизматлар сифатини ошириш ва инфратузилмани яхшилашга хизмат қилади.
Қўқон шаҳар ҳокимлиги томонидан лойиҳалар ижроси назоратга олинган бўлиб, белгиланган муддатларда сифатли амалга оширилиши таъминланади.
#ИслоҳотларАмалда #ОпенБюджет #Қурилиш #Тамирлаш