Қўқон шаҳрида шаҳарсозлик талабларига зид равишда ўзбошимча барпо этилган қурилмалар олдирилмоқда
2026-04-08 10:05:00 / Янгиликлар
Айни пайтда Қўқон шаҳар ҳокими бошчилигида Фавқулодда вазиятлар бўлими, кадастр агентлиги, Санитария-эпидемиологик осойишталик ва аҳоли саломатлиги бўлими, Ободонлаштириш бошқармаси, Миллий гвардия хизматчилари Мовароуннаҳр кўчасида олиб борилаётган ишларда иштирок этмоқдалар.
Қўқон шаҳар ҳокими тадбиркорлик субъектлари билан мулоқотда бўлиб, амалдаги шаҳарсозлик нормалари, хавфсизлик қоидаларига риоя этиш юзасидан тушунтириш ишларини олиб бормоқда.
Шу билан бир қаторда "Реклама тўғрисида"ги ва "Давлат тили" тўғрисидаги қонунларга зид равишда ўрнатилган қурилмалар ҳам демонтаж қилиниб, бизнес субъектларига огоҳлантириш берилмоқда.