"Ўзбекистон – Хитой тадбиркор аёллари форуми" доирасида муҳим таклиф илгари сурилди

Форум давомида Ўзбекистон ва Хитой ўртасидаги иқтисодий ҳамкорликда аёлларнинг ролини янада кучайтириш, қўшма лойиҳаларни йўлга қўйиш, ўзаро тажриба алмашиш ва инновацион ташаббусларни қўллаб-қувватлаш масалалари муҳокама қилинди.

Тадбирда сўзга чиққан З.Махкамова Ўзбекистон ва Хитой тадбиркор аёллари ўртасидаги ҳамкорликни мустаҳкамлаш, ўзаро тажриба ва инновацион ғоялар алмашинуви йўлга қўйилиши мақсадида Ўзбекистон–Хитой тадбиркор аёлларининг мулоқот платформасини ташкил этиш таклифини билдирди.

Ушбу платформа икки мамлакат аёл тадбиркорлари ўртасида доимий мулоқотни таъминлаш, янги бизнес ташаббусларни рўёбга чиқариш, таълим, инновация, ҳунармандчилик ва экспорт салоҳиятини оширишга хизмат қилади.

Тадбирда икки томонлама ишбилармон аёллар ўртасидаги ҳамкорлик алоқалари янги босқичга кўтарилиши таъкидланди.