Ташриф давомида қатор ҳукумат вакиллари, халқаро ташкилот раҳбарлари, ишбилармон доиралар билан учрашувлар, ҳамда бизнес форум ўтказилди.

Индонезия ташқи ишлар вазири Сугионо билан икки мамлакат ўзаро муносабатларини жадаллаштириш, ришталарни мустаҳкамлаш, иқтисодий дипломатия устуворлиги ҳамда икки давлат халқларини янада яқинлаштиришга қаратилган кенг қамровли учрашув ўтказилди. Ҳар икки давлат олдинда эришиш учун катта имкониятлар мавжудлигига ишонч билдирди. Ташқи ишлар вазирлари дипломатик паспорт эгалари учун виза талабларидан озод қилиш тўғрисидаги шартномани ҳам имзоладилар.

Шунингдек, савдо вазири Буди Сантосо, савдо-саноат палатаси раиси Аниндя Бакри, маданият вазири Фадли Зон ва мамлакатнинг етук компания раҳбарлари билан самарали учрашувларда соҳабай яқин ҳамкорлик истиқболлари муҳокама қилинди.

ASEAN Бош котиби Као Ким Хорн билан учрашувда Марказий Осиё ва ASEAN ўртасидаги ҳамкорлик кўламини кенгайтириш ва чуқурлаштириш муҳимлиги таъкидланди. Музокаралар минтақавий ривожланиш, мамлакатлар ўртасидаги икки томонлама алоқаларни мустаҳкамлаш, савдо, хавфсизлик ва барқарор ривожланиш каби соҳаларда ҳамкорликнинг янги йўналишларини қамраб олди.

Ўзбекистон-Индонезия бизнес-форумида етакчи компаниялар, давлат идоралари ва молия институтларининг 200 дан ортиқ вакиллари иштирок этиб, савдо, сармоя ва ишбилармонлик алоқаларини чуқурлаштиришга қизиқиш ортиб бораётгани алоҳида таъкидланди. Форум компанияларга тўғридан-тўғри алоқалар ўрнатиш, потенсиал келишувлар бўйича музокаралар олиб бориш ва ўзаро манфаатли лойиҳаларни ўрганиш имконини берувчи қимматли тармоқ платформаси бўлиб хизмат қилди.

Ўзбекистон ва Индонезиянинг ўзаро боғланган ишбилармонлик муҳитини яратишга интилиши алоҳида таъкидланди.