Хитой тажрибаси — Тошкент вилояти тиббиётида янги имкониятлар

Мулоқотда молекуляр ва тиббий диагностика маҳсулотларини маҳаллийлаштириш, замонавий PCR ҳамда экспресс-диагностика ускуналарини жорий этиш, юқумли ва онкологик касалликларни эрта аниқлаш бўйича қўшма лойиҳаларни амалга ошириш масалалари муҳокама қилинди.

«Sansure Biotech Inc.» 2008 йилда ташкил этилган бўлиб, ген технологиялари ва молекуляр диагностика йўналишида фаолият юритади. Компаниянинг стратегик марказларидан бири Чангша шаҳрида жойлашган бўлиб, унинг маҳсулот ва ечимлари 160 дан ортиқ мамлакат ва ҳудудларда қўлланмоқда.

Учрашувда Тошкент вилоятида замонавий тиббий диагностика технологияларини ривожлантириш ҳамда компаниянинг Марказий Осиё бозоридаги фаолиятини кенгайтириш имкониятлари юзасидан фикр алмашилди.

Шунингдек, вилоят делегацияси «Sansure Biotech Inc.» компаниясининг фаолияти билан танишди. Жумладан, компаниянинг молекуляр диагностика, ген технологиялари, PCR ва экспресс-диагностика йўналишларидаги ишлари, замонавий тиббий маҳсулотлари ҳамда технологик ечимлари ҳақида маълумот олинди.