Унда Ўзбекистон ва Европа Иттифоқи ўртасидаги агроҳамкорликнинг жорий ҳолати ҳамда истиқболли йўналишлари муҳокама қилинди.

Учрашувда Януш Войтсеховский сўнгги йилларда мамлакатимиз қишлоқ хўжалигида амалга оширилаётган изчил ислоҳотларни эътироф этар экан, Европа Иттифоқи мамлакатимиз билан ҳамкорликни янада ривожлантиришдан манфаатдор эканлигини алоҳида таъкидлаб ўтди.

Ўз ўрнида Жамшид Ходжаев Европа Иттифоқи мамлакатларининг AKIS хизматларини ривожлантириш бўйича мавжуд бой тажрибасини ўрганиш ҳамда EIP-AGRI ташаббуси билан яратилган Европа инновацион ҳамкорлиги доирасидаги “Smart AKIS” дастурида иштирок этиш бўйича ўз фикрларини билдирар экан, ўзбекистонлик қишлоқ хўжалиги тадқиқотчиларининг Европадаги илмий ва таълим марказларида тажриба алмашиш бўйича ўзаро манфаатли фикрларини ўртага ташлади.

Шунингдек, учрашувда томонлар мамлакатимиз аграр тармоғида сезиларли ютуқларга эришилгани, пахта ва ғалла етиштириш бўйича давлат буюртмасидан воз кечилгани, 1 млн гектар майдонда сув тежовчи технологияларни жорий этилгани, озиқ-овқат хавфсизлиги ва соғлом овқатланиш стратегияси ишлаб чиқилгани ҳамда қишлоқ хўжалигини иқлим ўзгаришига мослаштириш бўйича Миллий дастури қабул қилинганини эътироф этишиб, келгусида ҳамкорликда амалга ошириладиган ишлар юзасидан фикр алмашишди.

Учрашув сўнгида томонлар Ўзбекистоннинг Жаҳон савдо ташкилотига аъзо бўлишида Европа тажрибасининг аҳамияти, кейинги 4 йил давомида бу бўйича ҳамкорликда амалга ошириладиган ишлар ҳақида ҳам сўз юритишди.