«Tashkent Law Spring» III Халқаро юридик форуми

Форумнинг асосий мавзуси — «Фундаментал ҳуқуқлар – абадий қадриятлар». «Tashkent Law Spring» халқаро, хорижий ва маҳаллий экспертлар томонидан фундаментал ҳуқуқлар призмаси орқали замонавий ҳуқуқий тенденцияларни муҳокама қилиш учун очиқ платформа вазифасини бажаради.

Форум ҳуқуқ соҳасидаги замонавий илм-фан ютуқларини Ўзбекистонда ва жаҳонда оммалаштиришга кўмаклашиш мақсадида ташкил этилган.

Форум доирасида ўтказилиши режалаштирилган тадбирлар мавзулари:

— «Низоларни муқобил ҳал этиш: медиациядан арбитражгача»;

— «Сифатли норма ижодкорлиги орқали қонун устуворлиги қадар»;

— «Юридик соҳада рақамли технологиялар»;

— «Давлат хизматлари: муваффақиятлар, вазифалар ва истиқболлар»;

— «Коррупцияга қарши сиёсат»;

— «Интеллектуал мулк экотизими – Ўзбекистоннинг инновацион ва саноат муҳитини шакллантириш воситаси сифатида»;

— «Замонавий ҳуқуқ учун юридик кадрлар»;

— «Суд экспертизаси ривожланишининг замонавий тенденциялари».