Наманган вилояти ҳокимлиги

Очиқ мулоқот шаклида ўтган тадбирда мамлакатимизда кейинги йилларда коррупцияга қарши курашиш ва уни олдини олиш борасида амалга оширилаётган тизимли ишлар, шу жумладан коррупцияни олдини олишга қаратилган превентив чоралар, соҳага оид қабул қилинган норматив-ҳуқуқий ҳужжатлар мазмун-моҳияти, мазкур йўналишда хорижий давлатларнинг илғор тажрибаларини мамлакатимизда ҳам жорий этиш борасида Агентлик ва ҳамкор ташкилотлар томонидан амалга оширилаётган ишлар ҳақида батафсил маълумотлар бериб ўтилди. 

Ёшлар томонидан билдирилган таклифлар орасида, айниқса, коррупцияга қарши курашишни бошланғич таълим олишдан бошлаш, ёшлар онгида коррупцияга қарши муросасиз муносабатни содда тарзда тушунтиришга қаратилган қисқа метражли роликларни мунтазам равишда бериб бориш, ижтимоий реклама вақтини кўпайтириш, алоҳида телеканал ташкил этиш, коррупция ҳолатлари энг кўп учраётган соҳаларни рақамлаштириш орқали инсон омилини чеклаш ҳамда соҳага оид адабиётларни кўпайтириш каби долзарб масалалар ўртага ташланди.

Жами 150 нафардан зиёд наманганлик ёшлар иштирок этган тадбирда Агентлик директори ҳамда Наманган вилояти ҳокимининг ўринбосари Ғуломжон Муродхўжаев 30 нафарга яқин ёшларнинг саволлари ва тушган таклифларига жавоблар бердилар.

Ўринли ва асосли, деб топилган таклифлар келгусида ўрганиб чиқилиб, қонунчилик ҳужжатларини ишлаб чиқиш ва амалиётга жорий этишда инобатга олиниши қайд этилди.  

Наманган вилояти ҳокимлиги
Ахборот хизмати