Наманган вилояти ҳокимлиги

Экспедиция таркибида Россия, Қозоғистон, Қирғизистон, Беларусь, Тожикистон, Венгрия, Германия, Франция каби мамлакатлардан келган нуфузли олимлар, тадқиқотчилар, журналистлар, блогерлар ва тадбиркорлар қатнашди.

Тадбирда Наманган вилояти ҳокимининг ўринбосари Ботир Нуритдинов сўзга чиқиб, меҳмонларни самимий қутлади.  Наманганнинг саноат салоҳияти, экспорт имкониятлари, инвестиция муҳити ҳамда маданий туризм борасидаги ютуқларини алоҳида таъкидлади.

Шундан сўнг, экспедициясининг ташкилий қўмитаси раиси Ислом Назаралиев сўзга чиқиб, Ўзбекистон, хусусан, Наманган вилоятида халқаро мулоқот ва дўстона алоқалар ривожланаётганини таъкидлаб, ушбу ташриф икки томонлама манфаатли ҳамкорликни кенгайтиришда муҳим қадам бўлишини алоҳида қайд этди.

Мулоқот давомида меҳмонларга миллий куй-қўшиқлар ва рақслардан иборат маданий дастур ҳам намойиш этилди. Гўзал ва мазмунли ижролар халқаро делегация аъзоларида катта таассурот қолдирди.

Форумда “Amazon”, “Alibaba”, “Wildberries”, “Uzkotton” каби халқаро компаниялар вакиллари, шунингдек, Наманган вилоятида фаолият юритаётган экспортчи корхоналар иштирок этди. Йиғилишда рақамлаштириш, логистика, халқаро бозорларга чиқиш ва илғор тажрибалар бўйича қатор маърузалар тингланди.

Хусусан, видеоконференция орқали Россия Федерациясининг Ўзбекистон Республикасидаги Савдо вакили вазифасини бажарувчи Игорь Камынин ҳам маъруза қилди. 

Ушбу учрашувлар Наманган вилоятининг халқаро имижини янада мустаҳкамлаш, инвестицион жозибадорлигини ошириш ва туризм салоҳиятини намоён этишда муҳим қадам бўлди.