“Яшил макон” умуммиллий лойиҳаси доирасида 2023 йилда амалга оширилган ишлар ва янги йилдаги режалар тўғрисида
2024-01-31 19:14:00 / Матбуот анжуманлари
Анжуманда вилоят экология бошқармаси бошлиғи ўринбосари Қобилжон Мираҳмедов соҳадаги ислоҳотлар, хусусан, Наманган вилоятини “Яшил макон”га айлантириш борасида олиб борилаётган тадбирлар ҳақида батафсил маълумот берди.
Шунингдек, анжуманда вилоят эклогия бошқармаси фаолиятининг 2023 йил якунлари ҳамда жорий йилдаги устувор йўналишлари ҳақида ҳам тўхталиб ўтилди. Президентимизнинг “Сув ҳавзаларида норуда материалларни қазиб олишни тартибга солиш чора-тадбирлари тўғрисида”ги Фармони мазмун-моҳияти тушунтирилди.
Тадбирда иштирокчиларнинг экология, атроф-муҳитни муҳофаза қилиш ва табиатдан фойдаланиш соҳасидаги ҳуқуқбузарликлар, санитар-тозалов корхоналарининг фаолияти, чиқиндиларни ўз вақтида ташиб кетиш, атмосфера ҳавосини муҳофаза қилиш ҳамда соҳага оид бошқа саволларига мутахассислар томонидан батафсил жавоб қайтарилди.
Мулоқотда оммавий ахборот воситалари вакиллари, ахборот хизматлари раҳбарлари, журналист ва блогерларнинг мавзуга доир таклиф-мулоҳазалари тингланди.
Наманган вилояти ҳокимлиги
Ахборот хизмати