Кибержиноятчиликнинг олдини олишга қаратилган профилактик тадбир ўтказилди
2025-07-01 11:55:00 / Янгиликлар
Бугун Наманган вилояти ИИБ АТСЖҚКБ масъул ходимлар томонидан Чуст туманида жойлашган "CHUST TEXSTILE" корхонасида фаолият юритувчи ходимлар билан "Интернет ижтимоий тармоғидаги фрибгарликлар ва тарқалаётган зарарли ҳаволалар" мавзусида профилактик учрашув бўлиб ўтди.
Тадбирда ҳуқуқни муҳофаза қилиш ходимлари томонидан кибержиноятларнинг кенг тарқалаётган турлари ҳақида маълумот берилди. Бундан ташқари, банк карталаридан фойдаланиш вақтида шахсий маълумотларни фирибгарлар қўлига бериб қўймаслик ва бунинг учун зарур бўлган эҳтиёт чораларини кўриш кераклиги айтиб ўтилди.
Шунингдек, тадбир якунида иштирокчилар ўзларини қизиқтирган саволларга жавоб олишди.