Ёзги таътил ҳам мароқли, ҳам мазмунли ўтмоқда
2025-06-20 13:35:00 / Янгиликлар
Президентимиз ташаббуслари билан бошланган “Долзарб 90 кун” лойиҳаси ўқувчилар учун жуда муҳим ташаббус бўлди.
Норин тумани "Яшик" маҳалла фуқаролар йиғини ҳудудида жойлашган сўлим ва бетакрор "Норин болалар оромгоҳи" болажонларнинг энг севимли масканларидан.
Айни дамда биринчи навбатда 160 нафар бола мириқиб ҳордиқ чиқармоқда. Дам олувчиларнинг ҳар бир куни серзавқ ўтиши учун турли мусобақа ва танловлар, кечалар ўтказиляпти. Ёзги бассейн, кутубхона болалар хизматида.
Ҳар оқшом бўлиб ўтаётган турли викторина ва мусиқий кечалар дам олувчиларнинг вақти хуш бўлишида катта аҳамият касб этмоқда.
Наманган вилояти ҳокими Шавкатжон Абдураззоқов ушбу оромгоҳда бўлиб, "Долзарб 90 кунлик" вазифалари ижроси билан танишди. Масъулларга айрим камчиликларни бартараф этиш бўйича тегишли топшириқлар берди.
Наманган вилояти ҳокимлиги Ахборот хизмати.