Норин туманида “Долзарб 90 кун” ташаббуси доирасида тизимли ишлар амалга оширилмоқда
2025-06-18 02:05:00 / Янгиликлар
Мазкур топшириқ асосида “Долзарб 90 кун” ташаббуси Норин туманида тизимли равишда амалга оширилмоқда. Тумандаги 44 та умумий ўрта таълим муассасасида ёзги таътил даврида ўқувчиларнинг бўш вақтини самарали ўтказиш, уларнинг иқтидор ва салоҳиятини юзага чиқариш мақсадида фан, спорт, санъат ва бошқа йўналишларда тўгараклар фаолияти йўлга қўйилган.
Хусусан, 23 - умумтаълим мактабида мазкур жараёнлар кўтаринки руҳда олиб борилмоқда. Илм масканида ташкил этилган 20 та тўгаракка 500 нафардан ортиқ ўқувчи қамраб олиниб, турли йўналишларда амалий билим ва кўникмаларга эга бўлмоқда.
Умуман олганда, туманда бугунги кунга қадар 27469 нафар ўқувчи ёзги тадбирларга жалб этилган. Шунингдек, шаҳар ташқарисидаги оромгоҳларда 336, мактаблар қошидаги кундузги оромгоҳларга эса 600 нафар бола хордиқ чиқармоқда. Бундан ташқари, 1072 нафар ўқувчи “Баркамол авлод” болалар мактаби тўгаракларида фаол иштирок этмоқда.
Наманган вилояти мактабгача ва мактаб таълими бошқармаси Ахборот хизмати