Наманган вилояти ҳокимлиги

Таъкидлаш жоиз, охирги икки йил ичида наманганлик 471 нафар ўқувчи халқаро ва республика танловларида фахрли ўринларни қўлга киритдилар.

Очиқ мулоқот тарзида ўтган учрашувда ёшларнинг соҳага оид 30 дан зиёд мурожаатлари: муаммо, таклиф ва мулоҳазалари тингланди. Хусусан, бинони таъмирлаш, кадастр қилишдан тортиб, турли бадаллар тўлови, янги лойиҳаларни молиялаштириш, саҳна либослари билан таъминлаш, хорижий чолғу асбоблари сотиб олишу замонавий овоз ёзиш студиялари ташкил этишгача кўтарилган масалаларнинг барчаси шу жойнинг ўзида ижобий ечим топди. 

Наманган вилояти ҳокими Шавкатжон Абдураззоқов ижодкор ёшларга кўрсатилаётган эътибор ва ғамҳўрлик доимий равишда давом этишини таъкидлаб, тегишли мутасаддиларга аниқ топшириқ ва кўрсатмалар берди. 

Мулоқотда ёш ижодкорлар шу йил май-июнь ойларида вилоятда бўлиб ўтадиган анъанавий 64-халқаро “Гуллар фестивали”да маданий тадбирларни янада бойитиш юзасидан таклифлар бердилар.

Самимий ва кўтаринки кайфиятда ўтган мулоқот санъат йўлида изланаётган иқтидорларни янги ютуқлар сари руҳлантирди. 

Наманган вилояти ҳокимлиги Ахборот хизмати.