“Бир контур – бир маҳсулот” тамойили самаралари
2025-04-24 10:50:00 / Янгиликлар
Қишлоқ хўжалигидаги узоқ йиллик тажрибалар шуни кўрсатадики, катта майдонларга бир хил экин экишнинг самаралари кўп. Яъни, кўчат жойлаштириш, уни бир хил агротехник тадбирлар орқали парваришлаш, суғориш, озиқлантиришдан ташқари ҳосилнинг бир вақтда пишиб етилиши деҳқонларга қулайлик туғдиради.
Қодиробод маҳалласида эҳтиёжманд, ишсиз оилаларга ажратилган 10 гектарлик майдонда ана шу тамойил асосида 1-мавсумда қизил ловия, 2-мавсумда қулупной етиштирилди. 50 нафар бириктирилган ер эгалари ҳамжиҳатликда меҳнат қилдилар. Шу майдоннинг ўзидан бир йилда 35 тонна қизил ловия, 90 тонна қулупной етиштириш имконияти яратилди.
Бугун қулупнойзорда ҳаракат авжида. Пайкалдан териб олинган маҳсулотларни ҳам харидорлар бир жойдан сотиб олишяпти. Демак, “Бир контур – бир маҳсулот” тамойили ўзини оқлашда давом этмоқда.
Тўрақўрғон тумани ҳокимлиги Ахборот хизмати.