Наманган вилояти ҳокимлиги

Наманган давлат техника университетида вилоят Экология бошқармаси инспекторлари томонидан “Тоза ҳаво” ойлиги мазмун-моҳиятини тушунтириш мақсадида ёшлар билан мулоқот ўтказилди.

Учрашув давомида ойликнинг бир йилда икки маротаба ўтказилиши, атмосфера ҳавосининг ифлосланиш даражаси ҳамда унинг олдини олишда амалга оширилаётган ишлар ҳақида батафсил маълумот берилиб, асосий эътибор, автотранспорт воситаларидан чиқаётган зарарли чиқиндилар билан ифлосланишни камайтириш ва бунда давлат назоратини кучайтириш, автомобилларга ёқилғи қуйиш, техник хизмат кўрсатиш шохобчалари, йўлларда атроф-муҳитни муҳофаза қилиш қоидаларига риоя қилинишига эришишга қаратилганлиги тушунтириб ўтилди.

Шундан сўнг атмосфера ҳавосидаги оксидларни ўлчовчи махсус техникаларни ҳам ишлатиш борасида тушунтиришлар берилди. Мулоқот баҳс мунозарага бой бўлиб, талабаларнинг саволларига мутахассислар томонидан батафсил жавоб қайтарилди.

Наманган вилояти Экология бошқармаси матбуот хизмати.