“Келажак тонги” маҳалласида ҳам янги ташаббус — ўрдакчилик ривожланмоқда
2025-04-16 17:35:00 / Янгиликлар
Янги Наманган туманининг “Келажак тонги” маҳалласида аҳоли фаровонлигини ошириш ва бандлигини таъминлаш мақсадида самарали ташаббус амалга оширилмоқда. Маҳалланинг “2-Тараққиёт” кўчаси орқали оқиб ўтувчи 1,2 км узунликдаги заканда ўрдак боқиш ишлари йўлга қўйиляпти.
Бу лойиҳа орқали аҳолининг турмуш даражасини яхшилаш, қўшимча даромад манбаини яратиш ҳамда маҳаллий иш ўринларини кўпайтириш кўзда тутилган. Аввал “Шербулоқ” маҳалласидан бошланган ушбу йўналиш энди кенгайиб, бошқа ҳудудларда ҳам амалиётга жорий этилмоқда.
Мазкур ташаббус ер ва сув ресурсларидан оқилона фойдаланиш, табиий захираларни иқтисодий манфаатга айлантириш йўлида муҳим қадам ҳисобланади. Унинг амалга оширилиши маҳалладаги фаровонлик ва ислоҳотлар самарадорлигини янада оширишга хизмат қилади.
Янги Наманган тумани ҳокимлиги ахборот хизмати