64-халқаро “Гуллар фестивали”га тайёргарлик бошланди!
2025-01-31 17:45:00 / Янгиликлар
Бугун Наманган вилояти ҳокими Шавкатжон Абдураззоқов анъанавий тарзда ўтказиб келинаётган “Гуллар фестивали”га тайёргарлик ҳолати билан танишди.
Вилоят раҳбарига фестивал ўтказиладиган манзилларда барпо этиладиган гул композициялари лойиҳалари тақдим этилди. Хусусан, Усмон Носир номидаги ҳиёбон, “Тинчлик ҳиёбони”, Заҳириддин Муҳаммад Бобур номли маданият ва истироҳат боғи ҳудудида яратиладиган манзара кўринишлари батафсил ўрганилди.
Вилоят ҳокими бу йил 64-маротаба ўтказиладиган халқаро фестивалга муносиб тайёргарлик кўриш, бунда бетакрор ва мафтункор дизайнлар яратиш, фестивал мазмун-моҳиятини янада бойитиш юзасидан масъулларга кўрсатма ва топшириқлар берди.
Наманган вилояти ҳокимлиги
Ахборот хизмати