China town - Янги Наманган шаҳарчасида қиймати 750 миллион долларлик йирик лойиҳани бошлади
2025-01-10 14:10:00 / Янгиликлар
66 гектар майдонда турар-жой мажмуалари, офис, савдо, хизмат кўрсатиш инфратузилмалари, боғча, мактаб масжид бунёд этилади
Амалий ташриф билан Наманганда бўлиб турган Хитой Халқ Республикаси Консультатив кенгашининг Жиангсу провинцияси аъзоси Jiangsu Tonke Real Estate Co.,Ltd компанияси президенти Ян Бо бошчилигидаги делегация Янги Наманган шаҳарчасида бўлиб, қурилиш қилинадиган лотларни танладилар. Шу куннинг ўзида Наманган шаҳрида TK China town Namangan МЧЖ ХК компанияси рўйҳатдан ўтказилди.
Меҳмонлар "НАМАНГАНМАШ" корхонаси фаолияти билан танишдилар.
Ташриф дастуридан Учқўрғондаги DB group балиқчилик кластери, Чортоқдаги "Ўрикзор" кичик саноат зонаси, туризм лойиҳалари, Янгиқўрғон тумани лойиҳа таклифлари билан танишиш ўрин олган.
Медиа Департамент