Наманган вилояти ҳокимлиги

Наманган вилояти ҳокими Шавкатжон Абдураззоқов меҳмонларни қабул қилди.

Самимий ва конструктив руҳда ўтган мулоқотда Krems университети билан ҳамкорликда меҳмонхоналарни бошқариш, халқаро стандартлар асосида мутахассис ва тренерлар тайёрлаш бўйича ҳамкорлик ишлари муҳокама қилинди.

Доктор Хайнц Боер ҳамда илмий тадқиқотлар ва инновациялар бўйича университет раҳбари Удо Кристиан Брендли Чортоқ туманидаги 1-сонли техникум фаолияти, амалга оширилаётган таълим дастурлари, моддий-техник базаси, ўқув устахоналари ва лабораториялари билан яқиндан танишдилар.

Учрашувда мазкур муассаса негизида Австрия тажрибаси асосида таълим дастурларини жорий этиш, дуал таълим моделини ривожлантириш, шунингдек, таълим ва саноат ўртасидаги ҳамкорлик механизмларини такомиллаштириш масалалари ҳақида гап борди.

Шунингдек, Австрия касбий таълим ташкилотлари билан ҳамкорликни янада кенгайтириш, қўшма таълим ташаббусларини амалга ошириш, ўқитувчи ва ўқувчилар алмашинувини йўлга қўйиш, амалий ва дуал таълимни ривожлантириш юзасидан фикр-мулоҳазалар алмашилди.

Наманган вилояти ҳокимлиги
Ахборот хизмати