Чортоқ туманидаги Фурқат номли маданият ва истироҳат боғи янги қиёфа касб этмоқда
2026-09-02 17:05:00 / Янгиликлар
Лойиҳадан кўзланган асосий мақсад — аҳоли учун замонавий, қулай ва мазмунли ҳордиқ чиқариш масканини яратиш билан бирга, туманнинг сайёҳлик салоҳиятини янада оширишдан иборат.
Умумий қиймати 34 миллиард 854 миллион сўм бўлган лойиҳа асосида боғ ҳудуди кенгайтирилиб, замонавий ландшафт ечимлари, замонавий ёритиш тизими, аттракционлар ҳамда дам олиш майдонлари барпо этилмоқда.
Қурилиш ишлари "Qurilish Ziyo Building" МЧЖ томонидан олиб борилмоқда.
Наманган вилояти ҳокими Шавкатжон Абдураззоқов мазкур объектда бўлиб, амалга оширилаётган кенг кўламли қурилиш ва бунёдкорлик ишлари билан танишди.
Вилоят ҳокими объектдаги ишлар жараёнини кўздан кечириб, қурилиш сифатини таъминлаш, ишларни жадаллаштириш, лойиҳада белгиланган вазифаларни ўз вақтида ва тўлиқ бажариш бўйича масъулларга тегишли топшириқлар берди.
Янгиланган боғ нафақат аҳолининг бўш вақтини мазмунли ўтказиши учун замонавий маскан, балки туманнинг сайёҳлик ва хизмат кўрсатиш имкониятларини кенгайтирувчи муҳим объектга айланади.
Чортоқ тумани ҳокимлиги
Aхборот хизмати