Наманган вилояти ҳокимлиги

Мазкур нуфузли халқаро форумда Наманган вилояти ҳокими Шавкатжон Абдураззоқов бошчилигидаги делегация ҳам фаол қатнашмоқда.  

Хусусан, Афғонистон савдо ва инвестиция палатаси раиси Муҳаммад Карим Хошимий билан савдо ва инвестиция йуналишида ҳамкорлик алоқалари муҳокама қилинди.

Италиянинг "Gamma Meccanica" компанияси билан Чуст туманида амалга оширилаетган Базальт маҳсулотларини ишлаб чиқариш лойиҳасини жорий йил якунига қадар битказиш ҳамда 2-босқичда сендвич панеллар ишлаб чиқариш лойиҳасини амалга ошириш бўйича янги келишувга эришилди.

Хитойнинг "Шенжен Жин Чи Хунг" компанияси билан 3 та йўналишда жами қиймати 635 млн. долларлик келишувларга эришилиб, меморандум имзоланди.

Американинг "Silk road professionals USA" компанияси билан АйТи соҳасида ҳамкорлик ўрнатиш бўйича музокара ўтказилди.

Хитойнинг "Dong huang" компанияси билан қурилиш материаллари, кимё саноати маҳсулотлари ишлаб чиқариш ва хизмат кўрсатиш объектларини барпо этиш, "Good croup" қишлоқ хўжалиги компанияси билан Уйчи туманида ширин картошка навларини етиштириш ва қайта ишлаш ҳамда экспорт қилиш, "Guangxi Dachuan Ecological technology" компанияси билан маиший чиқиндиларни қайта ишлаш ва улардан турли хилдаги қурилиш материаллари ишлаб чиқариш йўналиши бўйича дастлабки келишувларга эришилди.

Шунингдек, Малайзиянинг "Spora Global" компанияси билан Чортоқ туманида туризм комплексини ташкил этиш, Россиянинг "Фармсинтез" компанияси билан Косонсой-фарм эркин иқтисодий зонаси ҳудудида дори воситалари ишлаб чиқариш бўйича келишувларга эришилди.

Вилоят ҳокими БМТ вакиллари билан "Тараққиёт дастури" доирасида замонавий смарт ситилар барпо этиш бўйича музокара олиб борди ва вакиллар томонидан тақдимот ўтказилди.

Умуман, кун давомида 30 га яқин хорижий компания ва бизнес доиралари вакиллари билан учрашувлар ўтказилди. 

Форум Ўзбекистоннинг инвестициявий салоҳиятини кенг намойиш этиш, янги ҳамкорлик алоқаларини ўрнатиш, замонавий технологияларни жалб этиш ва истиқболли лойиҳаларни ҳаётга татбиқ этиш учун муҳим платформа бўлиб хизмат қилмоқда.

Наманган вилояти ҳокимлиги
Ахборот хизмати