Наманган шаҳри тоза ва озода ҳудудлардан бирига айлантирилади
2024-07-11 22:45:00 / Янгиликлар
Делегация аъзолари йилига 1 миллион тонна маиший чиқиндини қайта ишлаш имкониятига эга бўлган корхона фаолияти билан яқиндан танишдилар.
İСТАÇ ширкати фаолияти билан танишиш жараёнида Наманган вилояти делегацияси вакиллари корхонанинг асосий линияларидан бири бўлган чиқиндини қайта ишлаш заводининг иш фаолияти билан яқиндан таништирилди.
Ушбу корхонада маиший чиқиндилардан ташқари тиббий чиқинди ҳамда саноат чиқиндиларини қайта ишлаш орқали 1 соат мобайнида 85 мегаватт яшил энергия манбаларини ишлаб чиқаради.
Наманган шаҳар ҳокими Анваржон Отаходжаев мутахассисларни жалб қилиб, Наманган шаҳрида ҳам шундай йирик лойиҳаларни амалга ошириш орқали шаҳарни тоза ва озода ҳудудлардан бирига айлантиришда ушбу компания вакилларини ҳамкорликка чақирди.
Наманган шаҳар ҳокимлиги Ахборот хизмати.