Гуллар фестивали сари қизғин тайёргарлик: Наманганда рекорд натижа учун кенг кўламли ишлар олиб борилмоқда
2026-04-27 22:20:00 / Янгиликлар
Ўрганиш жараёнида “Тинчлик” хиёбони ҳудудида олиб борилган ободонлаштириш ва гул экиш ишлари натижасида хиёбоннинг кўркам ва бетакрор қиёфа касб этгани, ҳудуднинг ранг-баранг гуллар билан безатилиб, аҳоли ва меҳмонлар учун кўзга ҳузур бағишлайдиган масканга айлангани алоҳида эътироф этилди.
Шунингдек, Заҳириддин Муҳаммад Бобур номидаги маданият ва истироҳат боғи ҳудудида ҳам фестивал олдидан кенг кўламли тайёргарлик ишлари олиб борилаётгани, боғ майдони гул экиш жараёнларига тўлиқ тайёр ҳолатга келтирилгани қайд этилди. Вилоят раҳбари боғ ҳудудида ташкил этилиши режалаштирилаётган гул композицияларининг лойиҳа таклифлари билан танишиб, уларнинг эстетик кўриниши ва дизайн ечимларини атрофлича кўриб чиқди.
Ўрганиш якунида фестивал доирасида амалга оширилаётган лойиҳаларни янада такомиллаштириш, гул композицияларининг дизайн ва безак жиҳатларини бойитиш ҳамда белгиланган ишларни сифатли ва ўз муддатида якунлаш юзасидан тегишли масъулларга аниқ топшириқ ва кўрсатмалар берилди. 65 йиллик юбилейга тайёргарлик ишлари шаҳримизга янада кўрк ва файз бағишлаши таъкидланди.
Наманган шаҳар ҳокимлиги
Матбуот хизмати