Норин туманининг “Янги Наманган” маҳалласида шаҳарсозликни замонавий талаблар асосида ривожлантиришга қаратилган бунёдкорлик ишлари жадал суръатларда давом этмоқда.
2026-04-13 14:00:00 / Янгиликлар
Ҳудудда олиб борилаётган қурилиш ва ободонлаштириш ишлари инфратузилмани яхшилаш, аҳоли учун янада қулай ва замонавий шарт-шароитлар яратишга хизмат қилмоқда.
Наманган вилояти ҳокими Шавкатжон Абдураззоқов бугун амалга оширилаётган ишлар билан яқиндан танишди ва уларнинг сифатини ўрганди.
Ҳудудда ижтимоий соҳа объектларига алоҳида эътибор қаратилмоқда. Янги шифокорлик пункти, умумтаълим мактаби ва мактабгача таълим муассасаларини қуриш лойиҳалари ижроси бўйича олиб борилаётган ишлар кўздан кечирилди.
Ўрганишлар давомида аниқланган камчиликларни бартараф этиш бўйича масъулларга аниқ топшириқлар берилди. Қурилиш ишларини белгиланган муддатларда ва юқори сифатда якунлаш зарурлиги алоҳида таъкидланди.
Наманган вилояти ҳокимлиги
Ахборот хизмати