Наманган шаҳрида 65-халқаро “Гуллар фестивали”га тайёргарлик ишлари жадал суръатларда давом этмоқда.
2026-04-12 16:25:00 / Янгиликлар
Ўрганишлар давомида шаҳар қиёфасини янада чиройли ва замонавий кўринишга келтириш, аҳоли ҳамда ташриф буюрувчи меҳмонлар учун қулай ва хавфсиз муҳит яратиш масалалари устувор йўналиш сифатида белгиланди.
Хусусан, Темир йўл вокзали атрофидаги айланма ҳаракат маркази фестивалнинг рамзий маъносини кўрсатувчи асосий объект ҳисобланади.
Вилоят раҳбари бу ерда гул экиш жараёнлари билан танишиб, яратилаётган дизайн ва композицияларга алоҳида эътибор қаратиш лозимлигини таъкидлади. Жумладан, умумий кўринишда миллийлик ёрқин акс этиши, гулларни нақш усулида ўтқазиш, композициялар барпо этишда Наманган брендларидан фойдаланиш бўйича мутасаддилар олдига аниқ топшириқлар қўйди.
Ҳар бир амалга оширилаётган лойиҳа фестивални юқори савияда ташкил этиш, Наманган шаҳрининг сайёҳлик салоҳиятини ошириш ва унинг халқаро нуфузини янада мустаҳкамлашга хизмат қилиши алоҳида қайд этилди.
Наманган вилояти ҳокимлиги
Ахборот хизмати