Наманган вилояти ҳокимлиги

Ташқи реклама ва ахборот объектларини (пешлавҳа ёки автотранспортдаги реклама) ўрнатиш Вазирлар Маҳкамасининг 2020-йил 20-февралдаги 104-сон ва 2023-йил 31-августдаги 428-сон қарори талабларига мувофиқ фақат реклама жойи паспорти асосида амалга оширилади.
Паспорт мй.гов.уз электрон давлат хизматлари портали орқали расмийлаштирилади.

🖥Расмийлаштириш босқичлари

1. 👉мй.гов.уз порталига кириш ва ОНЕ ИД орқали шахсий кабинетга киринг. 

🎚 2. Хизмат турини танлаш
а) Хусусий мулк учун реклама жойи паспорти
Ариза қуйидагилар асосида тўлдирилади:
•  Аризачи (жисмоний/юридик шахс) маълумотлари
•  Реклама ўрнатиладиган манзил
•  Қуйидаги ҳужжатлар юкланади (ПДФ/ЖПЕГ):
о  Реклама лойиҳаси (эскиз, дизайн, ўлчамлар, техник тавсиф)
о  Мулк ҳуқуқини тасдиқловчи ҳужжат
о  Жойнинг 3–4 ракурсдан олинган фотосуратлари
о  Кўп квартирали уй бўлса — мулкдорлар йиғилиши баёни
о  Бошқа шахс мулки бўлса — розилик хати ва ижара шартномаси

🕜 Кўриб чиқиш муддати: 15 иш куни
🔵 Эслатма: Паспортнинг амал қилиш муддати — ижара муддати тугагунича берилади.
б) Автотранспорт воситаси учун реклама жойи паспорти

Аризада кўрсатилади:
•  Аризачи маълумотлари
•  Транспорт воситаси маълумоти
•  Қуйидагилар юкланади:
о  Реклама эскизи (тўрт томондан кўриниш)
о  Транспорт воситасини рўйхатдан ўтказиш гувоҳномаси церийа/рақами
о  Давлат рақами

🕜 Кўриб чиқиш муддати: 5 иш куни.
💳 3. Тўловни амалга ошириш
•  Давлат хизмати учун — БҲМнинг 1 баравари.
•  Хусусий мулкдаги 1 кв.м дан ортиқ пешлавҳалар учун — БҲМнинг 5-15 фоизгача ҳудудлардан келиб чиқиб (экономик зонага қараб коеффициент қўлланади).
•  Автотранспорт воситаларидаги реклама учун — тоифасига қараб йиллик йиғим тўлови.

Асос: Қорақалпоғистон Республикаси Вазирлар Кенгаши, вилоятлар ва Тошкент шаҳар Халқ депутатлари Кенгашларининг қарорлари.

💳 Тўловни Payme, Click ва бошқа тизимлар орқали амалга ошириш мумкин.

🧑‍💻 4. Қарор қабул қилинади

•  ✔️Тасдиқланса: ҚР-кодли паспорт шахсий кабинетга юборилади.
•  ❌Рад этилса: рад этиш сабаблари асослантирилган ҳолда кўрсатилади. 
🧑‍💻 5. Реклама объектини ўрнатиш
•  Фақат паспортда кўрсатилган шартлар асосида
•  Қонуний ва техник меъёрларга тўлиқ риоя қилган ҳолда

⚠️ Муҳим эслатмалар

•  Паспортсиз реклама ўрнатиш — жаримага сабаб бўлади
•  Талабларга риоя қилинмаса, паспорт бекор қилиниши мумкин
•  Ҳар бир реклама объектининг дизайни, хавфсизлиги ва ҳудуд меъёрларига мослиги мажбурий
•  Агарда аризангизга рад жавоби берилган бўлса, 5 иш куни ичида қайта мурожаат қилсангиз бепул амалга оширилади

•  🔴❗️ Аризаларни асоссиз рад этилиши: 

Адлия органлари ва Бизнес омбудсманга мурожаат қилишингиз мумкин натижада асоссиз рад этган ваколатли органга нисбатан маъмурий жавобгарлик ҳамда ариза беришдаги давлат хизмати учун белгиланган тўлов қайтарилади. 

Асос: Ўзбекистон Республикаси Маъмурий жавобгарлик тўғрисидаги кодекснинг (МЖтК) 215 прим 5 ва бошқа, Вазирлар Маҳкамасининг 20.02.2020 йилдаги 104-сон 7-илова 3-боб, 17.12.2025 йилдаги 792-сон қарори 2-иловаси.