Поп туманининг "Чодак" қишлоғи ҳудудида инсон ҳаёти ва соғлиғи учун хавф туғдириши мумкин бўлган ноқонуний қурилмалар юзасидан ўрганиш ишлари олиб борилди.
2026-03-03 18:05:00 / Янгиликлар
Наманган вилояти ҳокими Шавкатжон Абдураззоқов бугун мазкур ҳудудни кўздан кечириб, хавфсизлик талабларига жавоб бермайдиган ҳамда тегишли рухсатномаларсиз фаолият юритаётган кўнгилочар объектлар эгалари билан учрашди.
Таъкидландики, Ишчи гуруҳи томонидан ўтказилган ўрганишлар давомида айрим иншоотлар қонун талабларига зид равишда ўрнатилгани аниқланган. Суд қарорига мувофиқ, уларни бартараф этиш ишлари белгиланган тартибда амалга оширилмоқда. Жараён Мажбурий ижро бюроси томонидан хавфсизлик қоидаларига қатъий риоя этилган ҳолда бажарилмоқда.
Мазкур чора-тадбирлар энг аввало, аҳоли ва сайёҳлар хавфсизлигини таъминлаш, ноқонуний фаолиятга чек қўйиш ва жамоат тартибини мустаҳкамлашга қаратилгани тушунтирилди.
Шунингдек, вилоят ҳокими ноқонуний деб топилган қурилмалар эгаларига қонуний ва хавфсиз туризм фаолиятини йўлга қўйишда амалий ёрдам кўрсатилишини таъкидлади.