Наманган вилояти ҳокимлиги

Наманган шаҳрининг “Шаршара” маҳалласи “Маърифат” кўчасида  2 та 2 қаватли, 36 хонадондан иборат мўъжаз маскан бор.  «Кўзи ожизлар» жамиятига қарашли ушбу хонадонларда 118 нафар аҳоли истиқомат қилади. Уларнинг 28 нафари ногиронлиги бўлган шахслар ҳисобланади.

Вилоят раҳбари аҳоли вакиллари билан учрашиб, ҳол-аҳвол сўради, муборак Рамазон билан табриклади. Самимий ўтган мулоқот давомида муҳтарам Президентимиз раҳнамоликларида амалга оширилаётган ислоҳотлар, эзгу амаллар эътироф этилди. Шунингдек, ҳомийлар томонидан 36 та хонадоннинг ҳар бирига энг зарур озиқ-овқат  жамланмаларидан иборат Рамазон туҳфалари топширилди. Рамазон ойида бу каби эзгу амаллар яна давом этиши таъкидланди. 

Ўз навбатида, аҳоли вакиллари бугунги кунларига, тинч-осуда ҳаётга шукрона айтиб, Давлатимиз Раҳбарига миннатдорлик билдирдилар. Ўзбекистон тараққиёти бардавом, юртбошимиз омон бўлишини тилаб, дуолар қилинди.
  
- 20 йилдан бери шу ерда яшайман. Бундан 5 йил муқаддам, яъни 2021 йилда вилоят ҳокими ташаббуси билан уйларимиз мукаммал таъмирдан чиқарилиб, мавжуд муаммоларимиз бартараф этилган эди. Шундан буён тез-тез хабар олиб туришади. Шу эзгу ишларнинг бошида турган Президентимизга минг раҳмат, - дейди 1-гуруҳ ногиронлиги бор Заҳрохон Тўлашева.    

Учрашув давомида вилоят ҳокими аҳоли муаммолари билан ҳам қизиқди. Хусусан, уларнинг мурожаатига асосан, 2 та 2 қаватли уй яна таъмирлаб бериладиган, табиий газ таъминоти яхшиланадиган бўлди.   

Наманган вилояти ҳокимлиги
Ахборот хизмати