Наманган вилояти ҳокимлиги

Лойиҳанинг биринчи босқичида мазкур ҳудудда 1960-йилларда барпо этилган учта 3 қаватли ҳамда битта 4 қаватли, жами 7 та кўп қаватли уй босқичма-босқич бузилиши режалаштирилган. Уларнинг ўрнида 4 та 12 ва 14 қаватли, замонавий талабларга жавоб берадиган, 1000 та хонадондан иборат янги кўп қаватли турар жойлар қурилиши кўзда тутилган.

Лойиҳа таклифлари Тошкент шаҳрида фаолият юритувчи “Фоундер Прожеcт” МЧЖ томонидан ишлаб чиқилган. Мазкур лойиҳа институти пойтахтда қатор йирик ва замонавий қурилиш лойиҳаларини амалга оширган тажрибали ташкилот ҳисобланади.

Наманган вилояти ҳокими Шавкатжон Абдураззоқов ушбу манзилда бўлиб, қурувчи ва аҳоли вакиллари билан мулоқот қилди. 

Суҳбатда шу ҳудуддаги эски уйларда истиқомат қилувчилар янги, замонавий уйларда яшаш ҳоҳишлари борлигини билдириб, қурилиш жараёнларида хавфсизликни таъминлаш, янги турар жойларда яратиладиган шароитлар ҳақида маълумот олдилар. 
   
Таъкидлаш жоиз, лойиҳа доирасида замонавий архитектура ечимлари, қулай инфратузилма, обод ҳудуд, болалар майдончалари ва автотураргоҳлар барпо этиш ҳам режалаштирилган.

Натижада шаҳар кўркига кўрк қўшадиган, аҳоли учун барча шароитларга эга бўлган, умумий майдони қарийб 60 минг квадрат метр турар жойлар фойдаланишга топширилиши кутилмоқда.

Мазкур реновация лойиҳаси аҳолининг яшаш шароитини яхшилаш, эски ва носоз уй-жойларни замонавий ҳамда хавфсиз биноларга алмаштириш, шунингдек, шаҳарсозлик талабларига мос ҳудуд барпо этишга хизмат қилади.

Наманган вилояти ҳокимлиги
Ахборот хизмати