Наманган вилояти ҳокимлиги

 Бугунги ўрганишлар Норин туманидан бошланди.

Норин дарёсининг "Юқори Чўжа" МФЙ ҳудудидан оқиб ўтувчи 2,6 км қисмида соҳил бўйи туризим мажмуаси барпо этилади. Вилоят ҳокими объект лойиҳаси билан танишиб, уни такомиллаштириш, ҳудудда соҳил бўйи туризми хизматларини шакллантириш лозимлигини таъкидлади. 

Чўжа қишлоғидан Ҳаққулобод шаҳарчасигача бўлган асосий йўлнинг икки четида балиқ савдоси билан шуғулланаётган ўнлаб шохобчалар бор. Улар фаолиятини тартибга солиш, сотувчи ва харидорларга шароит яратиш вақти келди. Ўрганишлар давомида ушбу масалага алоҳида эътибор қаратилди. 

"Булоқли мозор"  зиёратгоҳи ҳам одамлар энг кўп ташриф буюрадиган масканлардан. Айниқса, ёз мавсумида зиёратчилар сони ортади. Лекин бу ерда уларга яратилган зарур шароитлар талаб даражасида эмас.

Вилоят раҳбари ички туризмни ривожлантириш, сайёҳлар оқимини ошириш учун, энг аввало, заионавий шароит яратиш лозимлигини таъкидлаб, ушбу объект бўйича алоҳида лойиҳа ишлаб чиқиш юзасидан масъулларга тегишли топшириқлар берди. 

Кейинги манзил "Янги Наманган" маҳалласи бўлди. Хабарингиз бор, бу ерда "Янги Ўзбекистон қиёфасидаги маҳалла" дастури доирасида кенг кўламли қурилиш-ободонлаштириш ишлари олиб борилмоқда. 

Вилоят ҳокими жараён билан танишиб, қурилишларни тезлатиш ва сифатга эътибор бериш, ҳар бир лойиҳани белгиланган муддатда якунлаш лозимлигини таъкидлади. 

Наманган вилояти ҳокимлиги
Ахборот хизмати