Ёшлар Пара Осиё ўйинларида Наманган вилояти спортчиларининг ёрқин ғалабалари!
2025-12-12 09:15:00 / Янгиликлар
Дубаи шаҳрида давом этаётган В Ёшлар Пара Осиё ўйинларида Наманган вилоятидан қатнашаётган қизларимиз кетма-кет юксак натижаларга эришиб, юртимиз байроғини баланд кўтармоқда!
Пара пауерлифтинг бўйича терма жамоамиз аъзоси, Наманган вилояти вакили Рухшона Ўктамова ёшлар ўртасида 67 кг вазн тоифасида иштирок этиб, 120 кг натижа билан нафақат олтин медални қўлга киритди, балки Жаҳон рекордини ҳам ўрнатди!
73 кг вазн тоифасида баҳс олиб борган наманганлик Гулуз Неъматуллаева 105 кг натижа қайд этиб, олтин медални қўлга киритди ва мусобақанинг мутлақ ғолибасига айланди.
Яна бир наманганлик спортчи, 67 кг вазн дастурида иштирок этган Дилнаво Абдуманнопова 62 кг натижа билан броньза медалига сазовор бўлди.
Бу ғалабалар — Наманган спортининг кучи, матонати ва изчил ривожланаётганидан далолатдир!
Наманган вилояти спорт бошқармаси
Aахборот хизмати