Тадбиркорлик субъектларини кўпайтириш орқали янги иш ўринлари яратилмоқда
2024-04-21 11:45:00 / Янгиликлар
Янги Наманган туманида кичик саноат зоналари фаолиятини кучайтириш, имкониятларни тўлақонли ишга солиш ва бу орқали янги иш ўринларини яратиш чоралари кўрилмоқда. Шу мақсадда тумандаги “Тараққиёт” кичик саноат зонасида тадбиркорлар билан мулоқот қилинди.
Бугун Наманган вилояти ҳокими Шавкатжон Абдураззоқов ўрганишлари давомида "Тараққиёт" кичик саноат зонасида бўлиб, қурилиш жараёнларини кўздан кечирди.
Шу ерда хитойлик инвесторларнинг электроника маҳсулотлари ишлаб чиқариш лойиҳаси тақдимоти билан танишилди.
Вилоят раҳбари мазкур кичик саноат зонасида лойиҳаларни амалга ошириш жараёнида вужудга келаётган муаммоларни ўз вақтида бартараф этиш ва қурилишни тезлаштириш бўйича масъулларга кўрсатмалар берди.
Шунингдек, шимолий айланма йўли ҳудудида бунёд этилаётан янги тадбиркорлик субъектларида ҳам қурилишларни тезроқ якунлаш ва лойиҳаларни белгиланган муддатдан кечиктирмай ҳаётга тадбиқ этиш лозимлиги алоҳида таъкидланди.