Бухоро вилояти ҳокимлиги

Бугун эса Марҳабо Сайфуллаеванинг ҳаётида янги саҳифа очилган. Ҳозирда у Қоракўл туманида фаолият юритаётган “Karakul Spinning” МЧЖ корхонасида меҳнат қилмоқда. Муҳими, у шунчаки ишли бўлиб қолмади, расмий иш жойига эга бўлиб, доимий даромад манбаини яратди.—Аввал уйда, болалар тарбияси билан банд бўлиб, фақат томорқада ишлаган бўлсам, эндиликда ўз тайинли ишим, ойлик маошимга эга бўлдим,—дейди Марҳабо Сайфуллаева.—Ҳозир ҳар ойда 4,5 миллион сўм ойлик даромадимни оиламга олиб кираётганимдан хурсандман. Ёнимда умр йўлдошим ҳам халқ хўжалигида ишлаб, турмушимизни биргаликда яхшилаб бормоқдамиз.

Кун сайин гавжумлашиб, тобора кўркам қииёфа касб этаётган ва инфратузилмаси яхшиланиб бораётган “Yangi O‘zbekiston” массивида саноат ишлаб чиқариш корхоналари сафи кенгаяётгани ўнлаб оилалар учун даромад манбаидир. Шундай корхоналардан бири “Karakul Spining” МЧЖда бир йилда 5 минг тоннадан ортиқ ип-калавани қайта ишлаш имконияти яратилган бўлиб, корхона фаолиятининг йўлга қўйилиши натижасида 280 та янги иш ўрни яратилган. Эътиборлиси, ишчи-чеварларнинг аксариятини шу кунга қадар ишсиз ва даромадсиз бўлган қишлоқ аёллари ташкил этмоқда.  

Марҳабо Сайфуллаева сингари чеварлар меҳнат қилаётган корхонада зарур меҳнат шароитлари яратилган. Ишчи-мутахассислар учун иссиқ овқат ташкил этилган, кунлик ишга келиш ва уйга қайтиш учун транспорт хизмати йўлга қўйилган. Бу, айниқса, қишлоқ жойларда истиқомат қилувчи аёллар учун иш билан бирга оилавий юмушларни ҳам мувофиқлаштириш имконини бермоқда.

Юқоридаги мисол, тайинли иш ўрни туфайли қишлоқда биргина оила моддий аҳволи ўзгаргани айни пайтда туманда хотин-қизлар бандлигини таъминлаш, уларни доимий иш ўринларига жалб этиш ва оилалар учун барқарор даромад манбаларини яратишга алоҳида эътибор қаратилаётгани далилидир. 

Вилоят ҳокимлиги матбуот хизмати