Бухоро вилояти ҳокимлиги

Қарор ижросини таъминлаш мақсадида Когон туманида ҳам аҳоли муаммоларини бартараф этиш, ички йўллар ҳолатини яхшилаш, замонавий муҳандислик-коммуникaция тармоқларини ривожлантириш, ижтимоий соҳа иншоотларини таъмирлаш, модернизatsiя қилиш, қулай яшаш шароитларини яратишга қаратилган лойиҳалар изчил рўёбга чиқарилмоқда.

Лойиҳа доирасида Баҳоуддин Нақшбанд маҳалласида узунлиги 10,6 минг метр бўлган ички йўлни таъмирлаш ва асфальт қопламаси бостириш, шунингдек, маҳалланинг Чорчинор қишлоғида 1,5 минг метр узунликдаги йўл қисмини асфальтлаштириш ишлари амалга оширилгани, шу қаторда Чорчинор ва Работипоён қишлоқлари кўчаларида тунги пайтда пиёдалар ва транспорт воситалари ҳаракати учун қулай шарт-шароит яратиш мақсадида муқобил энергия манбалари асосида ишловчи замонавий “Led” ёритиш мосламалари ўрнатилгани мақсадга мувофиқ, албатта. 

Лойиҳа доирасида айни кунда Баҳоуддин Нақшбанд маҳалласидаги 1-сонли умумтаълим мактабида ҳам кенг кўламли қурилиш-таъмирлаш ишлариолиб борилмоқда. Жумладан, “Зиё Шаҳриёр қурилиш” МЧЖнинг малакалимутахассислари томонидан мактаб моддий-техник базасини мустаҳкамлаш, ўқувхоналари ва ёрдамчи биноларни талаб даражасига келтиришга эътибор қаратилмоқда.

Шу билан бирга, маҳалладаги 1-сонли давлат мактабгача таълимташкилотида ҳам капитал реконструкция ишлари жадал бормоқда. Лойиҳаасосида муассаса биноси мукаммал таъмирдан чиқарилиб, ёнидан қўшимча 120 ўринли замонавий бино қурилмоқда. Мазкур ишлар натижасида болажонларучун янада қулай ва замонавий шарт-шароит яратилиши, ҳудудда мактабгачатаълим қамрови даражасини ошириш кўзда тутилган. 

Мукаммал таъмирлаш ва қурилиш ишлари муносабати билан мактаб ва болалар боғчасини ободонлаштириш, кўкаламзорлаштириш, уларда эртамиз эгалари—ўқувчи ва болажонлар учун қулай шарт-шароит яратиш ишлари изчилолиб борилмоқда.

Вилоят ҳокимлиги матбуот хизмати