“Ҳокимлик соати”: ҳудуд ва тармоқларда иқтисодий ўсишни таъминлаш, “хуфиёна иқтисодиёт”ни қисқартириш, жинооятчиликка қарши курашиш, ижро интизоми ҳолати ва бошқа долзарб масалалар муҳокама қилинди
2026-05-04 23:35:00 / Янгиликлар
Йиғилиш аввалида вилоят раҳбари бошқарув сиёсатида белгилаб олинган энг устувор вазифаларга алоҳида тўхталиб ўтди.
Кун тартибига мувофиқ ҳудуд ва тармоқларда иқтисодий ўсишни таъминлаш бўйича 2026 йил 1-чорак якунлари таҳлили ҳамда 2026 йил 1-ярим йилликда юқори ўсиш суръатларини таъминлаш чора-тадбирлари, жиноятчиликни жиловлаш бўйича амалга оширилаётган ишлар ҳолати ва самарадорлиги таҳлили, ҳудудларда “хуфиёна” иқтисодиётни қисқартириш бўйича амалга ошириладиган ишлар, вилоятдаги айрим объектларда қурилиш ва ободонлаштириш ишларини жадаллаштириш ҳамда бу борадаги мавжуд муаммоларни тезкор ҳал этиш, вилоят, шаҳар ва туманлар ҳокимлари ўринбосарлари ҳамда ҳокимликлар ходимлари фаолиятининг 2026 йил учун энг муҳим самарадорлик кўрсаткичлари (KPI)ни белгилаш, “Маҳалла еттилиги” орқали ижтимоий-иқтисодий муаммоларни аниқлаш ва бартараф этиш, қонунчилик ҳужжатлари ва топшириқларининг ижросини таъминлаш бўйича амалга оширилган ишлар ва навбатдаги устувор вазифалар кўриб чиқилди.
“Ҳокимлик соати”да вилоят ҳокимининг тармоқлар бўйича ўринбосарлари, шаҳар ва туманлар ҳокимлари ҳамда мутасадди ташкилотлар раҳбарларининг бу вазифалар ижросини таъминлаш юзасидан амалга ошираётган ишлари тўғрисидаги ахборотлари тингланди.
Танқидий-таҳлилий руҳда ўтган йиғилишда топшириқларни самарали ва натижали ижро этиш юзасидан уларга тегишли кўрсатмалар берилди.
Вилоят ҳокимлиги матбуот хизмати