Россиянинг Санкт Петербург шаҳри вице губернатори Бухорода
2026-04-24 18:15:00 / Янгиликлар
Пойтахтимиздаги “CАEx Uzbekistan” халқаро кўргазмалар марказида 20-22 апрель кунлари бўлиб ўтган “ИННОПРОМ: Марказий Осиё” саноат кўргазмасида 40 тага яқин давлатдан 10 мингдан зиёд иштирокчи, 500 дан ортиқ хорижий компания вакили иштирок этди. Кўргазмада Марказий Осиё давлатлари саноатининг илғор технологиялари намойиш этилиб, саноат инновatsiялари ва ҳамкорлик учун муҳим платформага айланди.
Ўзбекистон ҳамкорларга катта бозор билан бирга саноат кооперaцияси, ишлаб чиқаришни маҳаллийлаштириш ҳамда бутун минтақа ва учинчи мамлакатлар бозорига чиқиш учун тўлақонли платформани таклиф этмоқда. Минтақавий ҳамкорликни ривожлантиришда бу платформанинг ўрни алоҳида. Ўтган йил якунлари бўйича мамлакатимизнинг Марказий Осиёдаги шериклари ва Россия билан товар айланмаси қарийб 22 миллиард долларни ташкил этган. Ҳозир улар иштирокида 5500 та қўшма корхона фаолият юритяпти. Турли соҳаларда қиймати 47 миллиард АҚШ долларидан зиёд 330 дан ортиқ лойиҳа амалга оширилмоқда.
“ИННОПРОМ: Марказий Осиё” халқаро кўргазма майдонида нафақат янги учрашувлар, ҳамкорлик алоқалари ўрнатилади, балки қиймати юқори йирик лойиҳалар, савдо битимлари имзоланади. Масалан, ўтган йилги кўргазма доирасида эришилган савдо-иқтисодий ҳамкорлик келишувлари қиймати 5 миллиард АҚШ долларидан ошган. Жорий йилги кўрсаткич янада юқори бўлиши кутилмоқда. Ҳозирда мамлакатимизда Россия капитали иштирокида 3000 дан ортиқ корхона фаолият юритиб, 150 дан зиёд инвестиция лойиҳаси амалга оширилмоқда.
Мазкур халқаро нуфузли саноат кооперaциясида қатнашган Россия Федерaциясининг Санкт Петербург шаҳри вице губернатори Кирилл Поляков бошчилигидаги делегatsiя бугун вилоятимизда бўлиб, вилоят ҳокимининг ўринбосарлари Ризо Асадов ҳамда Ботир Шаҳриёровлар билан музокара олиб борди.
Самимий мулоқотда россиялик расмий меҳмонлар Бухоро вилоятининг айни кундаги инвестициявий салоҳияти, бунда тадбиркорлар, айниқса, чет эллик сармоядорларга яратилган шарт-шароит ва имкониятлар билан қизиқдилар. Хорижлик меҳмонлар вилоятимизнинг бевосита Россия Федерaцияси, Санкт Петербург шаҳри билан саноат ва инвестиция борасидаги савдо-иқтисодий ҳамкорлиги, ҳудуддаги бизнес муҳити билан яқиндан танишмоқда.
Томонлар ўртасидаги янги ҳамкорлик алоқалари илмий-техник салоҳиятни бирлаштириш ва илғор тажриба алмашинувига асосланади. Шу боис, вилоятда Санкт Петербург шаҳри билан яқин ҳамкорликда янги ишлаб чиқариш ҳамда логистика тизимини шакллантиришга эътибор қаратилди.
Шу куни Санкт Петербург шаҳри вице губернатори Кирилл Поляков бошчилигидаги делегatsiя вилоят мутасаддилари ҳамроҳлигида Бухоро шаҳридаги “Nigora” трикотаж фабрикаси ва “ARTEL” электрон маиший ускуналар корхонасида бўлдилар.
Вилоят ҳокимлиги матбуот хизмати