Бухоро вилояти ҳокимлиги

Шу муносабат билан давлатимиз раҳбари ёшларни ҳарбий-ватанпарварлик руҳида тарбиялаш тизимини қайта кўриб чиқиш юзасидан тегишли мутасаддиларга аниқ топшириқлар берди. Навқирон авлод вакилларининг юртимиздаги ислоҳотлар жараёнидаги иштирокини ошириш, улар ўз интеллектуал ва ижодий салоҳиятини рўёбга чиқариши учун шароитлар яратиш муҳимлигига эътибор қаратди.

Йиғилишда белгиланган топшириқлар ижросини таъминлаш мақсадида бугун вилоят ҳокими, ҳарбий-маъмурий сектор раҳбари Ботир Зарипов Бухоро давлат педагогика институтининг ҳарбий  таълим факультетида бўлиб, “Раҳбар ва ёшлар” учрашувида иштирок этди. 

Мулоқотда ҳуқуқни муҳофаза қилувчи идоралар, корхона ва ташкилотлар раҳбарлари ҳам қатнашишди.  

Вилоят раҳбари ёшларга оид давлат сиёсати ижроси доирасида амалга оширилаётган кенг қамровли ишлар хусусида тўхталиб, тадбир иштирокчиларини расмиятчиликдан холи бўлиш, очиқ ва ошкора мулоқот қилишга чақирди.

Шундан келиб чиқиб, учрашув давомида 250 нафардан ортиқ талаба-ёшлар ҳарбий соҳага оид  қизиқишлари, таклиф ва муаммолари юзасидан вилоят ҳокими билан бевосита мулоқот қилишдилар. Ёшлар томонидан билдирилган масалалар атрофлича муҳокама қилиниб, уларни ҳал этиш бўйича тегишли вазифалар белгиланди.

Шунингдек, учрашув доирасида ёшларга яратилган имкониятлар, Ҳарбий факултетда мавжуд ўқув ва моддий-техник шароитлар билан яқиндан танишилди.

Мазкур учрашув ёшларнинг ҳарбий соҳага бўлган қизиқишини янада ошириш, уларнинг муаммоларини жойида ҳал этиш ҳамда ватанпарвар, малакали кадрларни тайёрлаш йўлидаги муҳим қадам бўлди.

Вилоят ҳокимлиги матбуот хизмати