Когон: Баҳоуддин Нақшбанд, Беклар ва Когон маҳаллаларидаги ариқлар ўзани бетонлаштирилмоқда
2025-11-21 12:15:00 / Янгиликлар
Бу борада Когон туманида ҳам ўтган йили фермер хўжаликлари, кластер корхоналари балансидаги жами 700 километрдан иборат ички тармоқ ариқлари сув ўтказувчанлигини яхшилаш, ўзанларни бетонлаштириш ишари жонлантирилган. Шундан 115 километр ариқ ўзани бетонлаштирилган. Туман ирригация бўлими тасарруфидаги тармоқлар эса 65 километрни ташкил этиб, шундан 61 километрга тенг ўзани бетонлаштирилган.
Жумладан, ўтган йили “Баҳоуддин Нақшбанд” маҳалла фуқаролар йиғинидан ўтувчи Ябон ариғининг 6,5 минг метр ўзани тўлиқ бетонлаштирилган. Қолган ҳудудларда ҳам жараён давом этмоқда. Хусусан, Баҳоуддин Нақшбанд маҳалласидан оқиб ўтувчи "Ямчи-Усмонобод-Меришим", Беклар маҳалласидан оқиб ўтувчи "Катта мачит—Қуйи хоми—Хўжа файз" ҳамда Когон маҳалласидан оқиб ўтувчи "Султонобод" ариқларининг жами 9 кминг метрга яқин қисмида ўзанни бетонлаштириш ишлари олиб борилмоқда. Мазкур лойиҳалар амалиётида “Ислом тараққиёт банки” ва ОПЕК халқаро жамғармаси билан яқин ҳамкорликда иш юритилмоқда.
Шунингдек, маҳаллий дастур асосида Когон туман сув етказиб бериш хизмати давлат муассасаси томонидан Чолоки маҳаллаласидан ўтувчи "Куржан" ариғининг 400 метр қисми бетонлаштирилмоқда. Бу манзилдаги ишларда пудратчи субект "Бухоро гидротехника" МЧЖ ишчи-мутахассислари жонбозлик кўрсатишмоқда.
Ҳудудда бажарилаётган сув ўзанини бетонлаштириш ишларидан мақсад экин ерларини суғориш мавсумида ички суғориш тармоқларидан етказиб берилаётган “оби ҳаёт”нинг йўқотилиши ёки тупроққа сингиб кетиб, исроф бўлишининг олдини олишдир.
Вилоят ҳокимлиги матбуот хизмати