Уммон Султонлиги делегацияси Самарқанд туман давлат архиви фаолияти билан танишди
2026-08-24 13:00:00 / Янгиликлар
Уммон Султонлиги делегацияси Самарқанд туман давлат архиви фаолияти билан танишди
Уммон Султонлиги Ҳужжат ва архивларни сақлаш миллий бошқаруви директори Ҳамад бин Муҳаммад ал-Давяний бошчилигидаги делегация «Ўзархив» агентлиги директори У. Юсупов ҳамроҳлигида Самарқанд туман давлат архиви фаолияти билан яқиндан танишди.
Ташриф давомида хорижий делегацияга Ўзбекистон Республикасида архив тизимини ривожлантириш борасида амалга оширилаётган ишлар, соҳада олиб борилаётган ислоҳотлар ҳамда замонавий ёндашувлар юзасидан тақдимот ўтказилди.
Меҳмонлар архив ҳужжатларини сақлаш ва сақловхона шароитлари, ҳужжатларни рақамлаштириш жараёнлари, шунингдек, фуқароларга кўрсатилаётган архив хизматлари билан яқиндан танишдилар.
Ташриф давомида делегация аъзолари архив ҳужжатларини сақлаш, улардан фойдаланиш ва рақамлаштириш йўналишларида Ўзбекистонда амалга оширилаётган ишлар билан танишиб, соҳа мутахассислари билан фикр алмашдилар.