Ўзбекистон Республикаси Адлия вазирлиги ҳузуридаги "Ўзархив" Агентлиги

«Ўзархив» агентлиги тизимида жисмоний ва юридик шахслар мурожаатлари билан ишлаш ҳамда ижро интизоми юзасидан БРИФИНГ

Ўзбекистон Республикаси Президенти Администрацияси раҳбарининг 2026 йил
4 майдаги  “Ўзбекистон Республикаси Президентининг Халқ мурожаатлари билан ишлаш тизимини янги даражага кўтариш ва жамоатчилик фикрини чуқур таҳлил қилишга бағишлаб 2026 йил 13 март куни ўтказилган видеоселектор йиғилишида берилган топшириқлар ижроси таъминлаш мақсадида  Агентлик томонидан 48-сон буйруғи билан йўл харитаси тасдиқланди.

Агентлик ва унинг тизим ташкилотларда раҳбарлар бошчилигида тизимда мурожаатлар билан ишлаш самарадорлигини ошириш аҳолининг ариза ва шикоятларига сабаб бўлаётган тизимли муаммоларни таҳлил қилиш бўйича ишчи гуруҳ тузилди.

Ишчи гуруҳга:

Аҳолининг ариза ва шикоятларига сабаб бўлаётган тизимли муаммоларни таҳлил қилиш бўйича Президент Халқ қабулхонаси билан доимий ҳамкорлик тизимини йўлга қўйиш;

Жисмоний ва юридик шахсларнинг мурожаатларини кўриб чиқишда биринчи раҳбарнинг шахсий масъулиятини taʼminlash.Bunda аҳоли мурожаатларини кўриб чиқишни асосиз равишда ўринбосарлар ва тизим ташкилоти раҳбарларига юклаш амалиётига чек қўйиб, мурожаатлар юзасидан асосланган қарорлар биринчи раҳбарлар томонидан қабул қилиниши ҳамда уларнинг ижроси устидан қатъий назорат ўрнатиш;

Мурожаатлар билан ишлайдиган раҳбар ходимларни малакасини ошириш ўқитиш вазифалари белгилаб берилди.

«Ўзархив» агентлиги ва унинг тизим ташкилотларда жисмоний ва юридик шахсларнинг мурожаатлари билан ишлашнинг аҳволини танқидий кўриб чиқиш, натижадорлигини ошириш, юзасидан манзилли чора-тадбирлар режаси тасдиқланди.

Шунингдек, ҳудудлардан келиб тушаётган мурожаатларни таҳлили ҳамда мурожаатларни кўпайишига сабаб бўлаётган масалалар ва тизимли муаммоларни инобатга олган ҳолда Агентликнинг сайёр қабул ўтказиш 2026 йил режа-жадвали ишлаб чиқилиб «сабинетпм2.гов.уз» ахборот тизимига киритилди.

Шу билан бирга, «Ўзархив» агентлиги ва унинг тизимидаги ташкилотларига 2026 йил 1-чорак давомида жисмоний ва юридик шахслардан 371 та, жумладан, 345 та ариза, 26 та  шикоят туридаги мурожаатлар келиб тушган, Шундан, Агентликка 238 та ҳамда унинг тизим ташкилотларига 133 та мурожаатлар келиб тушган.

Бундан ташқари, 2026 йилнинг 5 ой давомида ўтказилиши режалаштирилган 36 та сайёр қабулдан, амалда ўтказилган сайёр қабуллар сони 36 тани ташкил этди, шу жумладан, Агентлик директори 4 та, директор ўринбосари 2 та, ҳудудий бошқармалари бошлиқлари томонидан 30 та сайёр қабул ўтказилган.

«Ўзархив» агентлиги ва унинг ҳудудий бошқармалари раҳбарлари томонидан 2026 йил 5 ой давомида ўтказилган сайёр қабулларида 141 нафар жисмоний шахслар ва юридик шахслар вакиллари қабул қилинган.

Агентлик тизимидаги архив муассасаларида 2026 йил 1-чораги давомида жисмоний ва юридик шахсларнинг мурожаатларини кўриб чиқишда камчилик ҳамда қонунбузилиши ҳолатларига йўл қўйганликлари учун 2 нафар раҳбар ва масъул ходим интизомий жавобгарликка тортилган.

Ўзбекистон Республикаси Президентининг 2021 йил 10 февралдаги ПФ–6166-сон Фармони, 2021 йил 31 майдаги ПҚ–5132-сон қарори ҳамда 2025 йил 25 июлдаги ПФ–117-сон Фармони асосида Агентликда ижро интизомини мустаҳкамлаш, қонунлар ва давлат раҳбари ҳамда Ҳукумат ҳужжатларининг ижросини ўз вақтида ва сифатли таъминлашга алоҳида эътибор қаратилмоқда.

Хусусан, Агентликда бевосита биринчи раҳбарга бўйсунувчи алоҳида тузилма — Ижро назорати ва иш юритиш бўлими ташкил этилди. Ижро интизомига масъул ходимларнинг малакасини ошириш амалиёти йўлга қўйилган бўлиб, ижро ҳолати юзасидан кунлик тизимли мониторинг олиб борилмоқда. Камчиликларга йўл қўйган ходимларга нисбатан интизомий чоралар қўлланилмоқда. Шунингдек, ҳар ҳафтада камида икки маротаба топшириқлар ижроси ва мурожаатлар билан ишлаш ҳолати раҳбарият иштирокида муҳокама қилиб келинмоқда.

2026 йил ўтган 4 ой ҳолатига Агентликка қонунлар ҳамда Ўзбекистон Республикаси Президенти ҳужжатлари билан боғлиқ жами 49 та топшириқ келиб тушган. Уларнинг 32 тасида Агентлик асосий ижрочи, 17 тасида эса қўшимча ижрочи сифатида белгиланган. Мазкур топшириқларнинг барчаси белгиланган муддатларда сифатли ижро этилди ва тегишли асословчи ҳужжатлар билан «Ижро.гов.уз» идоралараро ягона электрон тизимига киритилиб, назорат қилувчи органлар томонидан келишилди.

Ижро интизомини таъминлашда жамоатчилик назоратини кучайтириш мақсадида тегишли маълумотлар мунтазам равишда «Ўзархив» агентлигининг расмий веб-сайтига жойлаштириб борилмоқда.

Фурсатдан фойдаланиб, барча юртдошларимизга мурожаат қилмоқчимиз. Азиз юртдошлар! Агар давлат архивларида ноқонуний ҳатти-ҳаракатларнинг гувоҳи бўлсангиз «Ўзархив» агентлигининг 55-50-301-50 рақамли “Ишонч телефони” ёки антикорарчивебот  ёҳуд https://t.me/direktorga_murojaat  орқали хабар беришингизни сўраймиз.