“Аудиовизуал ҳужжатлар қийматини экспертиза қилиш ва улар билан давлат ҳамда маҳаллий архивларни тўлдириш” мавзусида халқаро давра суҳбати ташкил этилди.
2026-04-24 17:00:00 / Янгиликлар
ВНИИДАД — Бутунроссия ҳужжатшунослик ва архив иши илмий-тадқиқот институти томонидан “Аудиовизуал ҳужжатлар қийматини экспертиза қилиш ва улар билан давлат ҳамда маҳаллий архивларни тўлдириш” мавзусида халқаро давра суҳбати ташкил этилди.
Мазкур тадбирда Беларус, Қозоғистон ва Ўзбекистон архив соҳаси мутахассислари ҳам видеоконференс-алоқа шаклида иштирок этиб, замонавий ёндашувлар ва илғор тажрибалар юзасидан фикр алмашдилар.
Тадбир доирасида Зулфия Сулейманова — Ўзбекистон Кинофотофоно ҳужжатлари миллий архиви илмий-маълумотнома аппарати ва методик ишлар бўлими мудири иштирок этиб, аудиовизуал ҳужжатлар қийматини аниқлашнинг ўзига хос жиҳатлари, уларни саралаш мезонлари ҳамда миллий архив фондларини замонавий усуллар асосида бойитиш масалаларига бағишланган маъруза билан чиқди.
Маъруза давомида аудиовизуал ҳужжатларни сақлаш, рақамлаштириш ва уларнинг илмий аҳамиятини ошириш бўйича долзарб масалалар ёритилди. Шунингдек, Ўзбекистон тажрибаси мисолида архивларни комплектлашнинг самарали механизмлари ҳақида батафсил маълумот берилди. Иштирокчилар томонидан маъруза катта қизиқиш билан тингланиб, мавзу юзасидан савол-жавоблар ва муҳокамалар ўтказилди.
Мазкур тадбир халқаро ҳамкорликни мустаҳкамлаш, тажриба алмашиш ҳамда архив иши соҳасида замонавий ёндашувларни жорий этишда муҳим аҳамият касб этди.